 AN
MENSCHN WÖI DI
DAHAM
DAZWISCHN
DÖI
NACHT GHEAT UNS
DÖS
WA SO SCHÖI
FIA
EICH
GOA
KOI ZEIT
GOLDNE
HOA
IMMA
UNTAWEGS |
KOMPLIZIN
FIAS LEM
MEI
SCHLOCH
NU
AMAL
OIMAL
ROCK'N'ROLL
BAND
SO
GUAT ZU DIA
SO
NOUCHT DRA
VÜL
ZU SCHNÖLL
WOS
MOU NU ALLES PASSIAN? |
NU AMAL
In zwoa Jahrzehntn is vül passiert
Gitarrn dabei - hob gern wos komponiert
Fia d'Musik, wenn's nu so kloi is
und si nu niat assatraut
brauchst an Proberaum
Michat gern nu amal hint im Kindazimma
prob'n
zwischen Schrank, Bett, Tisch und
Stöll af vertrautem Teppichbod'n
Und wenn ma Pause machen, trink
ma in da Kuch davoan an Tee
Verlassne Heisa, Lagerhalln
du nimmst, wos'd kröigst,
wurscht, ob's da gfallt
Doch a im Luxus, iwarall
föhlt da sowos wöi da
Charme vam erschtn Mal
Drum michat i gern nu amal hint
im Kindazimma prob'n
selbstgebaute Amps und singa ohne
Mikrofon
michat gern nu amal hint im Kindazimma
prob'n
d'Poster klatschn Beifall, zeig'n,
wos mia nu vor uns hom
Und wenn ma Pause mach'n, trink
ma in da Kuch davoan an Tee
Michat gern nu amal hint im Kindazimma
prob'n
zwischen Schrank, Bett, Tisch und
Stöll, af vertrautem Teppichbod'n
Michat gern nu amal hint im Kindazimma
prob'n
D'Nachbarn stean si niat an dem
wülden Krach va ob'n
Und wenn ma Pause machen, trink
ma in da Kuch davoan an Tee
IMMA
UNTAWEGS
Die Story, döi da Wech
mia erzöhlt hout is niat nei
Da Wech hout scho lang
koi Gfühl möina fia d'Zeit
Tausnd Föiß san untawegs
und kanntn nan oft gspian
da Wech mecht wissn
ob ma'n ming, ob ma'n ming,
ob ma'n wirklich ming
Imma untawegs
imma irgndwou
A mei Föiß san untawegs
und döin grod heit mal wieder
wöih
vielleicht bin ich vül zu
oft untawegs
zu vüle Züle als daß
da Wech mia wichtig wa?
Kumm, halt a! Kumm halt a!
Und dou nan oimal, oimal wirklich
gspian
Da Wech mecht wissn,
ob ma'n ming, ob ma'n ming,
ob ma'n wirklich ming
Imma untawegs
imma irgndwou untawegs
imma untawegs
anstatt af'm Wech zu sa
imma untawegs, imma untawegs,
imma untawegs
Und du heast nan schreia
und du heast nan schreia
und du heast nan schreia...
GOA
KOI ZEIT
Ich sitz fad in da Eckn
sovüle Leit, doch mi rengs
alle af!
Ich mechad mi vasteckn
Daß a Engl kammad und mi
hult, dou woatad i draf
Ich soch:
Uh, uhuhuhu
houst Du fia mi heid
goa koi Zeit
Wenn dann di erstn genga
wir ich a göi, weil dann fallts
niad so af
Doch dauerts imma länga
alle bleim s', alle bleim s', und
ich, ich halts nimma as
Ich soch:...
GOLDNE
HOA
Goldne Hoa
Haut wöi Honig
ich merk, daß ich
vazaubert bin
Is es woa
oda a Märchen,
weil i Di
in echt niad fin?
Irr ich einsam
durch di Stroußn
bist Du lächlnd
nocht bei mia
Tausnd Gsichta
oi Vasprechn:
A Stick vam Glick
find ich bei Dia
Fee, wer houd Di
denn zur Hex gmacht?
Ich kumm mia
so asgschmiert fia
Bist koi Trost mehr
denn Di gibt's ja
bloß af Büdln
und Papier
KOMPLIZIN
FIAS LEM
Du, ich mecht niat vül redn
bin irgndwöi vül zu hi
dafia
wa frouch und zfrien wenn
ich dei Herz schlong gspia
So wöi a Komplizin bist du
Komplizin fias Lem
Mia dout dös so gout,
daß ich niat allawal stoak
und cool sa mou
du schaust niat af d'Uhr
du bist einfach dou
So wöi a Komplizin bist du
Komplizin fias Lem
SO
NOUCHT DRA
So oft so schöi
so oft bloß an Scheiß
gmacht
manchmal irgndwöi
'n Aoubnd ummibracht
Manchmal ernst
manchmal laut
und manchmal ganz schöi wüld
zur Musik, Musik
die Texte assibrüllt
Du woast so oft so noucht dra
A Sonderfall
döi ganze Zeit mit dia woa
okay
manchmal genial
va St. Konrad bis St. Guenolé‚
Woast a Freind
mit sovül Kraft
du woast niat irgndwer
du wolltst lem, lem, lem, lem,
lem
imma wieda und imma mehr
Du woast so oft so naucht dra
DAZWISCHN
As Flimmern is wöi Zigarettn
Zug fia Zug versouch ich die böisn
Geister aszutreim
Im Treim mi treim loua
naschnd d'Sehnsucht ogspeist
und d'Tram, d'Tram dou i nimma
afschreim
Höi, Ihr werdts mi niad dawischn!
Na, Ihr werdts mi niad kröing!
Mei Herz is nu dazwischn
Mei Herz kann nu flöing
Wos san dös fia Stimmen, wos
is dös fiar a Lärm?
Ich hear sovül, ich kann nix
mea hean
Ich strampl mit di Föiß,
ich kumm niad vam Fleck
Dös bissl Erdn macht mi vull
Dreck
Da Reng kannt mi waschn, da Reng
macht mi noß
Doch es is kolt, es is kolt, und
es friert mi bloß
Es is kolt!
Es is kolt!
Guad is, guad is,
du sagst: guad is, wöi's is
doch ich trau mi niad aszuschaltn
weil's dann ganz finsta is
Halt mei Hend
wenn d'Haut wieda brennt
dou is nu a Glout
zeig, zeig, wos nu Bedeitung houd!
Nu a Glout!
Nu a Glout!
DÖS
WA SO SCHÖI
Seit letzter Woch
hob ich koi Rouh
wos i mach
und wos i dou
dou i mit an dumpfn Gfühl
und Brenna in meim Mong
Ich woiß niat
ob ich öitzad spinn
und iwahapst nu
bei mia bin
drum mechad i di bei mia hom
und dia sovül song
Dös wa so schöi
mit dia
Va dia heit
a Nachricht kröing
oda di ganz einfach
wiedaseng
und dann schaua wöi's uns
göiht
uns zwoa und wos ma uns gem
Mecht nimma so bewußtlos sa
mecht wissn wos nu möglich
wa
mecht in uns einifalln und dann
Vertrautheit aslem
Dös wa so schöi
mit dia
OIMAL
Oimal mecht i alles song
wos in mia is
oimal mecht i's nimma trong
wos i niad vagiß
Oimal so ehrlich sa und so stoak
wöi i's scho manchmal woa
Oimal mecht i Dia begeng
und nimma löing
oimal, wenn mia uns seng,
es af die Reihe kröing
Oimal döi Tram vazöhln,
döi ich ghat ho
einfach a so
Gestern hom ma sovül glacht
wöi wenn nix woa
so hob i's ummibracht
as Angst davoa,
daß döi Wundn, döi
i gspia und döi langsam heilt
va neiem reißt
Oimal so ehrlich sa und so stoak
wöi i's scho manchmal woa
SO
GUAT ZU DIA
Archie Müller denkt er is da
Knüller
in da Disco und im Bett
er wirft sei Angel as in dem Gerangel
um döi Frau, döi mann
gern mecht
"Bloß koi Emanzn!" denkt er
si beim tanzn
"Hauptsach schöi, dann bin
i zfrien!"
Weil's scho spat worn is, macht
er an Kompromiß
und schmusnd genga sie zu ihm
Du bist so guat zu Dia
A Joahr danou homs alle zwoa an
Boum
und am Finga goldne Ring
noun Oawan glotzn, noun Saffn kotzn
während sie 'n kloin ins Betterl
bringt
Doch irgndwann kummt er wieder ham
find an Zettl afm Tisch:
"Ich bin asgrissn, wir va Dia nix
vamissn!
Du bist Züchter, doch ich
bin koi Fisch!"
Du bist so guat zu Dia!
DÖI
NACHT GHEAT UNS
Heid is wos in uns drin
mia bleim heid einfach länga
zam
d'Uhr sagt, mia solltn schloufn
doch koina wüll öitzt
scho wirklich ham
Irgndwos mou heid passian
irgndwos, wos jeda braucht
irgndwos, wos a jeda wüll
Döi Nacht gheat uns
koina kanns uns nemma
sie houd an Zauba
und is niad zum schloufn dou
So wöi mas Lem,
so bleibts in uns drinna
döi Nacht gheat uns
döi Nacht gheat uns
Und is dann passiert
dann houds koina so richtig gmerkt
owa alle
fühln si guad
Döi Nacht..
AN
MENSCHN WÖI DI
Vielleicht göihst du nu af
d'Schöll
souchst imma nu a Oawatsstöll
und oft stöiht's da bis dou
oda bist scho in ara Lehr
und da Chef nimmt di oach her
und du wüllst oumds dein Rouh
oda houst goa scho Famül
d”i a iwalem wüll
und du oawast wöi wüld
dafia
und doch kann's di nu berührn
und doust an Schmerz in dia gspian
iwa dös wos mit dera Wölt
gmacht wird
Ich souch so an Menschn wöi
di
Ich souch so an Menschn wöi
di
Weil wos nitzt uns d'Sorg um d'Schöll
um d'Famül und d'Oawatsstöll
wenn's bald nix mehr gibt um zu
lem?
bald is da Wold ohne Beim
as Wassa giftig wöi da Rhein
und d'Köih döin nea nu
vaseichte Mülch gem
statt Wiesn Stroußn und Beton
statt Földa Chemieackerbodn
Kinda, deni d'Luft zum Spüln
asganga is
und wos bleibt is as Göld
rationalisierte Wölt
und a wundaschöins Autoparadies
Ich souch so an Menschn wöi
di...
Mia san zwar koi Minister
doch san mia a niat blöid
und oins gspia ma und oins wissma:
daß' so nimma weitagöiht
Mia souchn so Menschn wöi Eich...
DAHAM
Ich woa nu nie weit fuart
grod in Italien
Egal wouhi, wenn dann foahr i gern
Ich hob zum Glick an Plotz
wouhi i zruckkann
daham
So vüle kumma zu uns in da
Hoffnung,
daß' bei Lem und Rouh zruckgwinna
döin
und kinna s' nachts niad schloufn,
dann döins tramma
va daham
Doch kinna döi niad zruck,
weil s' duart vafolgt wern
neablooß weil s' a andre
Meinung hom
Und schickn mia sie zruck,
dann möins vielleicht goa
sterm
Wissn mia, wos mia dann agst”llt
hom?
So vüle kumma zu uns in da
Hoffnung,
daß' bei uns Lem und Rouh
zruckgwinna döin
Doch lieng döi nachts oft
wach
und dann döins tramma
va daham
FIA
EICH
Wüll Eich schnöll nu schreim,
wöi's ma göiht,
bevor dou herin as löicht
asgmacht wird
Gedankn dem Papier vazöhlt
und in mia Eier Büld
Ich michads schreia, ich michads,
daßts mi hearts
Ihr möits wissn, wöi
oach, daßts Ihr mia föhlts
Und trotzdem berei i's niad
und hoff, daß' irgndwenn
anders wird
Fia Eich sitz i herin
nea so houds an Sinn
vielleicht
Doch wer scheißt si wos drum?
Vielleicht bringas mi um
Fia Eich?
Manchmal wenns mi huln halt i's
nimma as
Ich schrei: Bitte, bringts mi um
oda löit's mi as!
Doch wenns dös hean, dann
wirds erst richtig schlimm,
weils dann wissn, daß i langsam
fertig bin
Fia Eich, fia Eich wir i sterm
fia Gerechtigkeit
vielleicht
Doch wer is scho dra intressiert
wos mit mia passiat,
wenns Löicht asgmacht wird?!
Fia Eich, fia Eich wüll i lem!
Mia wern uns wiedaseng!
vielleicht...
Doch wen, wen, wen, wen juckt dös
scho
ob mia uns wiedaseng
irgndwenn?
Fia Eich wüll i lem
Fia Eich
Fia Eich
MEI SCHLOCH
Hm, kennst Du denn Schloch,
den ich so gern moch?
Dös san döi Leit
zwischn Rengsburg und Tirschnareith
Woast Du scho mal dou?
Woast Du scho mal dou?
Dou wou ma "Oua", "Houa", "Joua",
"Kouh" und "mou" song doud
dou wou ma galing dann im Fröhling
mal an Wöihding houd
Woast Du scho mal dou?
Zwar deafts dou a
politisch a weng anders sa
Und trotzdem d'Owapfalz
is a Teil va uns, uns gfallts!
Woast Du scho mal...
ROCK'N'ROLL
BAND
Ich wollt scho imma gern in a Rock'n'Roll
Band
Hob tramt, daß ich da Elvis
wa
Recht bald hob ich ja scho Gitarrn
spüln glernt
und gmoint, ich wir a Superstar
Mit meim Brouder und a poa Freind
houts dann endlich klappt, endlich
woa ma soweit!
Oh, Leit!
Unser erster Auftritt woa natürlich
epochal
ganz klar: Mia wern recht bald
entdeckt!
Doch gspült hom ma im Joahr
vielleicht zwoa-, dreimal,
doch dafia alle Energie einigsteckt
Mit an Publikum, dös tobt
und um Zugabe schreit
moinst: öitzt houst gschafft,
öitzt is soweit!
Oh, Leit!
Baby, Baby, ich brich glei zam,
mei heimliche Liebe wüll a
Autogramm
va mia!
Dös is natürlich alles
öitzt scho ewig her
ma kannt song: mia homs niad gschafft
Doch steat mi sowos heit recht
vül weniger
weil oins hob ich fia mi öitzt
grafft:
Egal wöivül Publikum
um Zugabe schreit
Hauptsach a Funkn is iwagsprunga!
Und dös langt ma heit,
oh Leit!
VÜL
ZU SCHNÖLL
Vül zu schnöll wern mia
uns as die Aung valian
vül zu schnöll - und
kenna uns doch kam
vül zu schnöll - es bleibt
koi Zeit dös zu kapiern
und ich höid gmoint, mia passn
so guat zam
Und vom Kopf tropft Reng
af mei Herz, ich woin a weng,
weil es kannt dann bessa,
es kannt dann bessa,
es kannt dann bessa wern
Uuh, vül zu schnöll vül
zu schnöll
vül zu schnell wern mia uns
as die Aung valian
Vül zu schnöll is alles
nea nu Erinnerung
doch ich woiß, Ihr segts
dös niad so eng
Doch ich, ich gfrei mi, iwa jede
Stund
und mechts ganz intensiv erlem!
Und vom Kopf tropft...
Uuh, vül zu schnöll, vül
zu schnöll...
WOS
MOU NU ALLES PASSIAN?
A wülda Schmerz
greift si in meim Herz!
Ich bin fast regungslos
Nea in mia bewegt si wos
Ich miechad schreia,
wenn i kannt
Ich breicht öitzt
an Halt, a Netz,
wen, der wou mi fangt,
a Hend, döi meine halt,
den Schmerz mia assareißt
und irgndwen, dea Antwort woiß:
Wos mou nu alles passian,
bis mia endlich kapian,
daß mia koi Götta san?
Wer mou nu alles krepian
bis mia uns endlich rian
und Menschn wean?
Langsam gwena mia uns dou dra,
ma sagt: "Dös is halt heitzadochs
aso!"
Doch welchn Preis möin mia
dou zohln?!:
Unsre Blicke san vastohln
und jeda vasoucht nu schnöll
fia sich as beste assazuhuhln!
Unsre Söln wean vakaft
im Macht- und Wachstumswahn
und iagndwann - im Doppelsinn -
döin und wean mia dou dra
glam!
Beim Tanz um's goldne Kalb,
dös eigentlich mia sölwa
san,
trampln mia wos uns im Wech is
einfach zam!
Wos mou nu alles...
Mia möißtn so vül
ändan,
den Ausvakauf vahindan!
Doch vielleicht bin ich ja
neabloß iwaspannt...
|
